Երևանի քաղաքապետարանի <<Բաղրամյան ԱԿ>> ՓԲԸ-ն հիմնադրվել է 1967թ.-ին:

Այն տեղակայված է Արաբկիր վարչական շրջանում և սպասարկում է Արաբկիրի և Կենտրոն թաղամասի մեծ և մանկական բնակչությանը: Սպասարկվող բնակչության թիվը 2015թ. եղել է՝  46.070 մարդ, որից 0-18 տարկեան՝8.258, 18 տարեկան և բարձր՝ 37.812:

Համաբուժարանում գործում են 19 թերապևտիկ, 9 մանկաբուժական և 8 մանկաբարձագինեկոլոգիական տեղամասեր:

Նեղ մասնագիտացված բժշկական ծառայությունները ներկայացված են (մեծահասակ և մանկահասակ) հետևյալ ծառայություններով՝ վիրաբուժական, սրտաբանական, նյարդաբանական, ՔԿԱ, ակնաբուժական, գաստրոէնտերոլոգիական, ուրոլոգիական, ատամնաբուժական, ալերգոլոգիական, իմունոլոգիական (պրոֆ. պատվաստումներ), լոգոպեդի, ռևմատոլոգի, հոգեբանի:

Դինսպանսերային բուժօգնությունը ներկայացված է` ուռուցքաբանական, մաշկավեներաբանական, վարակաբանական, ներզատաբանական, ծառայություններով:

Գործիքային ախտորոշիչ ծառայություններ՝ ԷՍԳ, ֆունկցիոնալ ախտորոշման, ֆլյուորգրաֆիա, ռենտգենաբանական, ռենտգենոսկոպիկ, ֆիզոթերապևտիկ, հոլտեր, էխոկարդիոգրաֆիա հետազոտություններ, լազերային  թերապիա, ասեղնաբուժություն:

Լաբորատոր ախտորոշիչ ծառայությունները նեկայացված են` կլինիկական, կենսաքիմիական, մանրէաբանական, իզոսեռոլոգիական, բջջաբանկան լաբորատորիաներով: